ભાવનગર શહેરના કુંભારવાડા ખાતે રહેતા યુવાન પર માઢીયા ગામ પાસેથી મોટરસાયકલ લઈને પરત આવી રહ્યો હતો. તે વેળાએ શખ્સ દ્વારા છરી વડે હુમલો કરી ઇજા પહોંચાડતા હોસ્પિટલ.ખાતે ખસેડાયો હતો. જે મામલે વેળાવદર ભાલ પોલીસ મથકમાં ફરિયાદ નોંધાવી હતી.

આ બનાવ અંગે જાણવા મળતી માહિતી અનુસાર વેળાવદર ભાલ પોલીસ મથક ખાતે એવા મતલબની ફરિયાદ નોંધાવી હતી કે, રાહુલભાઈને જે યુવતી સાથે વેવિશાળ કરવાનું હોય ત્યાં લાલો ઉર્ફે મીંદડી અમશિભાઈ રાઠોડને વેવિશાળ કરવું હોય જે બાબતેની દાજ રાખી રાહુલભાઈને ગાળો આપી છરી વતી ડાબા પડખાના ભાગે તથા વાસાના ભાગે છરી મારી ઈજા પહોંચાડી જાનથી મારી નાખવાની ધમકી આપી હતી. ત્યારે ઈજાગ્રસ્ત યુવાનને સારવાર અર્થે સર ટી હોસ્પિટલ ખાતે ગંભીર હાલતે ખસેડવામાં આવ્યો હતો. બનાવ મામલે ઈજાગ્રસ્ત યુવાન દ્વારા વેળાવદર ભાલ પોલોસમાં ફરિયાદ નોંધાવતા પોલીસે ગુનો નોંધી વધુ કાર્યવાહી હાથ ધરી હતી.