ગયા વર્ષે સપ્ટેમ્બરમાં, પ્રોગ્રેસિવ સ્લોવાકિયા પાર્ટીના નેતા સિમેકા સ્લોવાકિયાની સામાન્ય ચૂંટણી હારી ગયા હતા કારણ કે ચૂંટણીના બે દિવસ પહેલા ઇન્ટરમીડિયા પર તેમનો એક વીડિયો જાહેર કરવામાં આવ્યો હતો. તે વીડિયોમાં તે કહી રહ્યો હતો કે જો તે ચૂંટણી જીતશે તો તે બિયરની કિંમત બમણી કરી દેશે. વાસ્તવમાં, સિમેકાએ આવી કોઈ જાહેરાત કરી ન હતી પરંતુ કોઈએ ડીપફેકસનો ઉપયોગ કરીને નકલી વિડિયો સકર્યુલેટ કર્યેા હતો. વીડિયોનું સત્ય લોકો સુધી પહોંચે તે પહેલા જ નુકસાન થઈ ચૂકયું હતું. આ ઘટના દૂરના દેશની હોઈ શકે છે, પરંતુ ડીપફેકનો ખતરો ભારતમાં પણ રાજકીય પક્ષો અને નેતાઓને ડરાવી રહ્યો છે. અહીં પણ આવા અનેક કિસ્સા પ્રકાશમાં આવ્યા છે. આવી સ્થિતિમાં, નિષ્ણાતોની સલાહ ડીપફેકથી દૂર રહેવાની છે.
આ ઉપરાંત ગત નવેમ્બરમાં રાજસ્થાનમાં ચૂંટણી દરમિયાન મતદારોને રીઝવવા માટે પૂર્વ મુખ્યમંત્રી અશોક ગેહલોતના અવાજમાં વોટસએપ દ્રારા મતદારોને નામથી બોલાવવા માટે એઆઈનો ઉપયોગ કરવામાં આવ્યો હતો. તાજેતરમાં, અમેરિકી રાષ્ટ્ર્રપતિ જો બિડેનના નકલી અવાજમાં એક વીડિયો જાહેર કરવામાં આવ્યો હતો.
આ ઘટનાઓ દર્શાવે છે કે તેમના વિરોધીઓને નુકસાન પહોંચાડવાના અથવા મતદારોને તેમની તરફેણમાં લેવાના હેતુથી દેશ અને વિદેશમાં ચૂંટણીઓમાં ડીપફેકનો ઝડપથી ઉપયોગ થવા લાગ્યો છે. છેલ્લા બે વર્ષથી વિશ્વના વિવિધ દેશોમાં યોજાતી ચૂંટણીઓમાં એઆઈ આધારિત ડીપફેકના ઉપયોગની ઘટનાઓ પ્રકાશમાં આવી રહી છે.
વિશ્વની સૌથી મોટી લોકશાહીની ચૂંટણીઓને ડીપફેકથી દુર રાખવાનું શકય જણાતું નથી, કારણ કે ચૂંટણી એક ધારણા પર લડવામાં આવે છે અને ઉમેદવારની છબી અને ડીપફેક બંને બાબતોને નષ્ટ્ર કરવાની ક્ષમતા ધરાવે છે. ભારતમાં યાં ૯૦ કરોડથી વધુ મતદારો છે અને લગભગ તમામ મતદારો પાસે ઈન્ટરનેટ સક્ષમ મોબાઈલ ફોન છે. આવી સ્થિતિમાં, જો ચૂંટણીના દિવસે અથવા મતદાનની શઆતના થોડા કલાકો પહેલા ઉમેદવારની છબીને નુકસાન પહોંચાડતો ડીપફેક વીડિયો પ્રસારિત કરવામાં આવે તો તે ઉમેદવારને ચોક્કસપણે નુકસાન થઈ શકે છે.નિષ્ણાતોનું કહેવું છે કે જો આવા વીડિયોથી એક વોટ પણ પ્રભાવિત થાય છે તો તે ચોક્કસપણે લોકશાહી માટે શુભ નથી.
 નિષ્ણાતોના મતે, જે લોકો પાસે કોઈ સાર્વજનિક પ્રોફાઇલ નથી તેઓનો ઉપયોગ ડીપફેક વીડિયો અથવા ઓડિયો માટે કરવામાં આવે છે. તેના નંબરનો ઉપયોગ વોટસએપ કે અન્ય પ્લેટફોર્મ પર થાય છે. જેના કારણે ડીપફેક વિડીયો ફેલાવનાર વ્યકિત ઝડપથી શોધી શકાતી નથી