ગુજરાત સરકારે વર્ષ ૨૦૨૪-૨૫ માટે સ્ટેમ્પ ડ્યુટી અને નોંધણી ફીના રૂપમાં રૂ. ૧૪,૭૦૬ કરોડની આવક મેળવી હતી, જે પાછલા વર્ષના રૂ. ૧૩,૭૩૨ કરોડની આવક કરતાં રૂ. ૯૭૨ કરોડનો વધારો દર્શાવે છે. અધિકારીઓએ જણાવ્યું હતું કે, આ આંકડા છેલ્લા એક વર્ષમાં ગુજરાતના રિયલ એસ્ટેટ ક્ષેત્રમાં થયેલા જોરદાર વિકાસને પરિણામે છે.

૨૦૨૪-૨૫માં મિલકત નોંધણીમાં ૧૮.૭૭ લાખ વેચાણ દસ્તાવેજ નોંધાયા હતા, જે ૨૦૨૩-૨૪માં નોંધાયેલા ૧૮.૨૬ લાખ દસ્તાવેજ કરતા ૫૦,૩૪૧ વધુ છે. નોંધણીમાં આ ૨.૮ ટકા વૃદ્ધિએ જંત્રી દરમાં કોઈ ફેરફાર ન હોવા છતાં ૭.૦૯ ટકા આવક વૃદ્ધિમાં ફાળો આપ્યો છે.

યાદ રહે કે એપ્રિલ ૨૦૨૩માં, સરકારે જંત્રી દર (વાર્ષિક દર નિવેદન) બમણું કર્યું, જેના કારણે આવક ૨૦૨૨-૨૩માં રૂ. ૮,૫૫૯.૬૬ કરોડથી વધીને ૨૦૨૩-૨૪માં રૂ. ૧૩,૭૩૧.૬૩ કરોડ થઈ ગઈ. એપ્રિલ ૨૦૨૩માં જંત્રી દરમાં વધારા પહેલા સરકારી રેકોર્ડમાં મિલકત નોંધણીની મોટી સંખ્યા જોવા મળી હતી.

જોકે, ગયા વર્ષે, સરકારે નવેમ્બર 2024માં પ્રતિસાદ માટે પ્રસ્તાવિત નવા દરોનો ડ્રાફ્ટ ફરીથી બહાર પાડતા પહેલા જંત્રી દરોનું પુનઃમૂલ્યાંકન કરવાની એક વિસ્તૃત કવાયત હાથ ધરી હતી. ગુજરાત સરકારે જાન્યુઆરીમાં વાંધાઓ એકત્રિત કરવાનું સમાપ્ત કર્યું. સૂચવેલ વધારો બમણાથી બે હજાર ગણો સુધીનો છે.

સરકારે નવેમ્બરમાં નવા જંત્રી દરોનો ડ્રાફ્ટ જાહેર કર્યો હતો તેવું એક અધિકારીએ જણાવ્યું હતું. સરકારી સ્ત્રોતોએ જણાવ્યું હતું કે, નાણાકીય વર્ષ 2024-25માં આવકમાં વૃદ્ધિ નાણાકીય વર્ષ 2023-24 જેટલી ઊંચી નથી, છતાં રૂ. 1,000 કરોડનો વધારો સારો છે.

બે વર્ષના આંકડા

​​​​​​​