માલધારી યુવાનને ધોકા-ઢીકાપાટુનો માર મારી ધમકી દીધી

જામનગર તાબેના નાઘેડી ગામમાં તળાવ પાસે રહેતા માલધારી યુવાનને ધોકા અને ઢીકાપાટુનો માર માર્યાની ૩ સામે ફરીયાદ કરવામાં આવી છે. પુછયા વગર કેમ પાડો લઇ ગયા તેમ કહેતા આરોપી વિફર્યા હતા.
જામનગર નજીક નાઘેડી ગામ લહેર તળાવ પાસે રહેતા માલધારી લખરાજ છગનભાઇ સુમાત (ઉ.વ.૩૫) એ પંચ-બીમાં ગઇકાલે લહેર તળાવ પાસે રહેતા બહાદુર જેમલ સુમાત, જગુ જેમલ સુમાત અને કલા જેમલ સુમાત નામના ત્રણ ઇસમ સામે જુદી જુદી કલમ મુજબ ફરીયાદ નોંધાવી હતી.
ફરીયાદીનો પાડો તેને પુછયા વગર લઇ જતા લખરાજભાઇએ મને પુછયા વગર કેમ પાડો લઇ ગયા તેમ કહેતા આરોપીએ ઉશ્કેરાઇ ફરીયાદીને ધોકા વડે માર માર્યો હતો તેમજ ઢીકાપાટુનો માર મારીને જાનથી મારી નાખવાની ધમકી દીધી હતી. ફરીયાદ આધારે પોલીસ દ્વારા તપાસ ચલાવવામાં આવી રહી છે.