માધુરી દીક્ષિતનો એક વીડિયો ખુબ જ વાયરલ થઈ રહ્યો છે, જેમાં તે એક બાળક સાથે વાત કરતી જોવા મળી રહી છે. એક બાળક બોલીવુડની ધક ધક ગર્લને તેની આંટી કહીને શુભેચ્છા પાઠવે છે, જેના પર અભિનેત્રીની ખૂબ જ સુંદર પ્રતિક્રિયા જોવા મળે છે.માધુરી ખડખડાટ હસીને આગળ નીકળી જાય છે.

બોલિવુડ અભિનેત્રી માધુરી દીક્ષિત 56 વર્ષની ઉંમરમાં પણ સુપરફિટ અને અત્યંત સુંદર લાગે છે. 90ના દાયકાની સૌથી બ્રિલિયન્ટ એક્ટ્રેસ માધુરી માત્ર એક્ટિંગ માટે જ નહીં પરંતુ ડાન્સિંગ માટે પણ જાણીતી છે. આ દિવસોમાં તે ‘ડાન્સ દીવાને’ શોમાં જજ તરીકે જોવા મળી રહી છે.

આ દરમિયાન ધક ધક ગર્લનો એક વીડિયો સામે આવ્યો છે જે સોશિયલ મીડિયા પર ઝડપથી વાયરલ થઈ રહ્યો છે. આમાં અભિનેત્રી તેના ક્યૂટ ફેન્સ સાથે વાત કરતી જોવા મળે છે. બાળકે બધાની સામે તેને આંટી કહીને બોલાવી, ત્યારબાદ અભિનેત્રીની પ્રતિક્રિયા વાયરલ થઈ રહી છે. 

માધુરી દીક્ષિત શો ‘ડાન્સ દીવાને’ માટે તૈયાર થઈ રહી હતી અને સેટ પર જઈ રહી હતી, જ્યારે વેનિટી વેનમાંથી બહાર આવી ત્યારે અચાનક એક મહિલા તેના બાળક સાથે તેની પાસે આવી અને કહ્યું, ‘મારો પુત્ર તમને મળવા માગે છે.’ માધુરીએ બાળકને જોઈને હેલો કહ્યું.

મહિલાએ તેના પુત્રને કહ્યું, ‘સે હેલો ટુ આંટી’ અને નાના બાળકે અભિનેત્રીને બધાની સામે આંટી કહી. બધાને આશ્ચર્ય થયું અને માધુરી દીક્ષિત આ સાંભળીને હસી પડી. અભિનેત્રીની આ પ્રતિક્રિયા વાયરલ થઈ રહી છે.

માધુરી દીક્ષિતનો વાયરલ લુક

વાયરલ વીડિયોમાં તમે માધુરી દીક્ષિતને મલ્ટીકલર્ડ લહેંગા ચોલીમાં જોઈ શકો છો, જેમાં તે હંમેશાની જેમ ખૂબ જ સુંદર લાગી રહી છે. તેના દેખાવને વધુ નિખારવા માટે, અભિનેત્રીએ મોટી ડ્રોપ એરિંગ્સ અને બંગડીઓ પહેરી હતી. બોલિવૂડની ધક ધક ગર્લ મિનિમલ મેકઅપમાં ખૂબ જ સુંદર લાગી રહી છે.

માધુરી દીક્ષિત-કરિશ્મા કપૂરનો ડાન્સ

શો ‘ડાન્સ દીવાને’માં, માધુરી દીક્ષિત અને કરિશ્મા કપૂરે તેમની બ્લોકબસ્ટર ફિલ્મ ‘દિલ તો પાગલ હૈ’ના એક પ્રખ્યાત ગીત પર ફરીથી ડાન્સ કર્યો. 27 એપ્રિલ શનિવારના રોજ, 1997ની ફિલ્મના ગીત ‘ચક ધૂમ ધૂમ’ પર ડાન્સ કરીને તે ફરી એકવાર જૂની યાદોમાં ખોવાઈ ગઈ. અભિનેત્રી કરિશ્માએ પોતાના સોશિયલ મીડિયા પર ‘ચક ધૂમ ધૂમ’ પર માધુરી સાથે ડાન્સ કરતો એક વીડિયો પોસ્ટ કર્યો હતો.