ટ્રાફિક નિયમનો ભંગ કરનારા વાહનચાલકોને ચોકલેટ-ગુલાબના ફૂલ આપી ટ્રાફિક સેન્સ અંગે સમજ અપાઇ

જામનગરમા માર્ગ સલામતી માસ ૨૦૨૫ ની ઉજવણી કરવામાં આવી રહી છે.જે અંતર્ગત જામનગર - ખંભાળિયા માર્ગે  બેડ ટોલ નાકા પાસે પોલીસની ટ્રાફિક શાખા તેમજ આર.ટી.ઓ.ના અધિકારીઓ દ્વારા સંયુક્ત રીતે લોક જાગૃતિનો કાર્યક્રમ યોજવામાં આવ્યો હતો. જેમાં હેલ્મેટ નહી પહેરનાર,  શીટ બેલ્ટ નહી પહેરનાર તેમજ ટ્રાફિક નીયમન નો ભંગ કરનાર વાહન ચાલકો ને ગુલાબ નુ ફુલ તથા ચોકલેટ આપી સોફ્ટ એન્ફોર્સમેન્ટ ડ્રાઈવ દ્વારા લોકો મા ટ્રાફિક નીયમન અંગે ની જાગ્રુતિ આવે તે અંગે નુ માર્ગદર્શન આપવામા આવ્યુ હતું. અને વાહન અકસ્માત થી બચવા માટે હેલ્મેટ પહેરવા તેમજ  શીટ બેલ્ટ બાંધવા થી થતા ફાયદા અંગે ની સમજણ આપવા માં આવી હતી.