જામનગરમાં સવારના ૭:૦૦ વાગ્યાથી જ મત આપવા માટે લોકોમાં અનેરો ઉત્સાહ જોવા મળી રહ્યો છે. ત્યારે ખાસ કરીને જે યુવાઓએ ૧૮ વર્ષ પૂર્ણ કર્યા છે તેઓ મત આપી પોતાની ફરજ નિભાવી રહ્યા છે.

જામનગરના એ.કે.દોશી મહિલા કોલેજ મતદાન મથક ખાતે સવારે ૭:૦૦ વાગ્યે પોતાનો પ્રથમ વોટ આપવા આવેલ પ્રિયાંશી મહેતાએ જણાવ્યું હતું કે વહેલી સવારે જાગીને મે પ્રથમ વખત મતદાન  કર્યું છે. આ સેન્ટર પર તમામ સુવિધાઓ સુનિશ્ચિત કરવામાં આવી છે. રેડ કારપેટ, પીવાનું પાણી, બેસવાની સુવિધાઓ, સિનિયર સિટિઝન માટે અલગ વ્યવસ્થા કરવામાં આવી છે. રાષ્ટ્રના વિકાસ માટે આપણે સૌએ મતદાન કરવું જોઈએ. તેમજ યુવાઓને અવશ્ય મતદાન કરવા માટે તેણી દ્વારા અપીલ કરવામાં આવી હતી.