ભાવનગર-તળાજા રોડ પર સોડા પાઉડર ભરેલા ટ્રકના ચાલક જીવાભાઈ ગોગનભાઈ કરમટાએ શેત્રુંજી નદી નજીકના પૂલ નજીક કોઈ કારણોસર કાબૂ ગુમાવતા ટ્રક પુલની રેલિંગ તોડી અને નીચે ખાબકતા અર્ધા ટ્રકના ટૂકડા થઈ ગયા હતા. અકસ્માતના પગલે ચાલક જીવાભાઈ ગોગનભાઈ કરમટા (ઉ.વ.૨૨, રહે. ગંગાપરા, ટીબી હોસ્પિટલ રોડ, અજાબ, તાલુકો કેશોદ)ને ગંભીર પ્રકારની ઈજાઓ થતા તેનું સ્થળ પર જ કમકમાટીભર્યુ મોત નિપજયું હતું. અકસ્માત અંગે તળાજા પોલીસે હાથ ધરેલી પ્રાથમિક તપાસમાં સૂત્રાપાડાથી સોડા પાઉડર ભરી ટ્રક ભાવનગર તરફ આવી રહ્યો હતો, ત્યારે ચાલક જીવાભાઈએ કાબૂ ગુમાવતા ઘટના બની હોવાનું ખુલ્યુ હતું.